234 REGISTRES

A esté advisé que led. Jehan Regnard et aultres dessus nommez, mandez pour cest affere, seroient oys par les assistans. Et pour ce ont esté appellez, et dit ce qui s'ensuyt, c'est assavoir :

Lesd. Regnard et Berruyer, maistres des pons, que deux pons en une riviere empeschent plus que ung pont; et par tant, si on fait ung autre pont, pilles et arches oud. petit braz de riviere pour led. Hostel Dieu, le cours des grans glasses et eaues ne pourra pas avoir facillement sa vuydange; et au moyen de ce aussi, que sy led. petit braz se prent de glasses, tout ce refoullera et reviendra cheoir au grant bras de l'eau et aux pors de Greve et par dessoubz les pons de Nostre Dame et des Changes qui en seront grevez et estounez, et les bateaulx attachez, rompuz et emmenez aval l'eau; et ont ainsi veu autresfois les glasses et grans eaues faire grans dommaiges aux basteaulx, marchandises et ausd, pons, et advenir grans inconveniens ; aussi dient, quant on besongné aud. pont aux Changes et de Nostre Dame et que le passaige de la marchandise est encombré, ilz vont passer les basteaulx et marchandises par led. petit bras de la riviere, qui est du costé dud. Hostel Dieu: ce qu'ilz ne pourroient pas si bien ne seurement faire, se iceluy petit bras de la riviere estoit encombré de pilles et pont ou d'autres empeschemens ; et que par succession de temps le port de la place Maubert, qui est ung bon port où s'arrivent plusieurs marchandises, se pourroit atterrir, au moyen de quoy les basteaulx et marchandises n'y pourroient plus arriver, et conviendroit à ceulx du quartier venir aux pors en Greve et de l'Escolle S' Germain: qui leur seroient grans fraiz et peine, et à la voye et passage dessus lesd, pons grant empeschement de charroy et autrement;

Lesd. Des Champs, Du Four, Carlier et Le Boiteulx, que lesd, maistres des pons ont dit la verité, et sont de leurs adviz;

A quoy led. Le Begue a respondu qu'il fault veoir les lieux et s'informer du bien et du mal qui en pourroit advenir.

Ce fait, led. Bureau a continué de demander les advys des assistans dessusd, qui en ont dit, c'est assavoir :

Led. Charmolue, que la forme et addressé desd, lettres et procedure sur icelles luy semble estrange et estre contre ordre de justice d'avoir commisseres de deux jurisdictions pour informer en l'affaire qui s'offre ; et si les informations sur ce faictes par lesd.

DU BUREAU [i5i6]

commisseres estoient envoyées au Grant Conseil, ce seroit contre les privileiges et franchises delad. Ville; par quoy luy semble que l'on doit empescher lesd, lettres, et remonstrer aux commisseres qu'ilz ne en doibvent congnoistre, et se mestier est, tendre à fin de non proceder par devant lesd, commisseres el bailler requeste à lad. Court afin de les faire super-ceder, et pour ouyr la Ville en son droit; et faire veoir et visiter led. Hostel Dieu es environs et autres lieux, à fin de savoir le lieu plus convenable pour faire led. eslargissement, qui doibt et est necessere estre fait, mais que ce soit en lieu non prejudiciable à icelle Ville; et qu'il a entendu que oud. Hostel Dieu sont les chambres du Roy et autres édiffices qui de present ne servent de riens, et que y a autres lieux oud. Hostel et es environs, ainsy que l'on dit, esquelz on pourroit bien faire ung bon accroissement pour le logeiz des pauvres dud. Hostel Dieu; et que veu le récit des mandez qui en ont parlé, la Ville a matiere d'empescher que l'accroissement dessusd, soit fait au lieu designé esd. lettres et exploitz ;

Led. Bouchart, que, pour les causes dessusd., on doit empescher lesd, lettres, et que la formalité d'icelles peult tourner contre les privilleiges et jurisdiction de lad. Ville; bailler requeste à lad. Court ad ce que lesd, commisseres supercedent, et que la congnoissance en demeure par deçà aux ordinaires; et que sur la commodité ou incommodité, on doit appeller maçons, charpentiers, voitturiers par eaue, maistres des pons, marchans et médecins; aussi qu'on doit faire veoir et visiter par gens en ce congnoissans les lieux les plus convenables qu'on pourra trouver, tant oud. Hostel Dieu que au plus près pour led. eslargissement, et qu'il est bien requiz iceluy eslargissement estre fait;

Led. de Montmirel, que, pour les causes declairées et recitées cy dessus, on doit empescher lotis vi-ribus lesd, lettres tendans à fin de non proceder par devant lesd, commisseres, bailler requeste à la Court à fin de les faire superceder de la congnoissance desd, lettres qui semblent estre obtenues contre et au prejudice des privileiges, franchises et jurisdiction de lad. Ville; que led. Hostel Dieu et lieux d'entour iceluy doivent estre veuz et visitez par gens en ce congnoissans pour veoir et congnoistre s'il y a lieux propices pour eslargir le logeiz des pauvres, ce qui est bien necessere d'estre fait, mais que ce ne tourne au prejudice de lad. Ville ne du cours de la Marchandise;



	234 REGISTRES A esté advisé que led. Jehan Regnard et aultres dessus nommez, mandez pour cest affere, seroient oys par les assistans. Et pour ce ont esté appellez, et dit ce qui s'ensuyt, c'est assavoir : Lesd. Regnard et Berruyer, maistres des pons, que deux pons en une riviere empeschent plus que ung pont; et par tant, si on fait ung autre pont, pilles et arches oud. petit braz de riviere pour led. Hostel Dieu, le cours des grans glasses et eaues ne pourra pas avoir facillement sa vuydange; et au moyen de ce aussi, que sy led. petit braz se prent de glasses, tout ce refoullera et reviendra cheoir au grant bras de l'eau et aux pors de Greve et par dessoubz les pons de Nostre Dame et des Changes qui en seront grevez et estounez, et les bateaulx attachez, rompuz et emmenez aval l'eau; et ont ainsi veu autresfois les glasses et grans eaues faire grans dommaiges aux basteaulx, marchandises et ausd, pons, et advenir grans inconveniens ; aussi dient, quant on besongné aud. pont aux Changes et de Nostre Dame et que le passaige de la marchandise est encombré, ilz vont passer les basteaulx et marchandises par led. petit bras de la riviere, qui est du costé dud. Hostel Dieu: ce qu'ilz ne pourroient pas si bien ne seurement faire, se iceluy petit bras de la riviere estoit encombré de pilles et pont ou d'autres empeschemens ; et que par succession de temps le port de la place Maubert, qui est ung bon port où s'arrivent plusieurs marchandises, se pourroit atterrir, au moyen de quoy les basteaulx et marchandises n'y pourroient plus arriver, et conviendroit à ceulx du quartier venir aux pors en Greve et de l'Escolle S' Germain: qui leur seroient grans fraiz et peine, et à la voye et passage dessus lesd, pons grant empeschement de charroy et autrement; Lesd. Des Champs, Du Four, Carlier et Le Boiteulx, que lesd, maistres des pons ont dit la verité, et sont de leurs adviz; A quoy led. Le Begue a respondu qu'il fault veoir les lieux et s'informer du bien et du mal qui en pourroit advenir. Ce fait, led. Bureau a continué de demander les advys des assistans dessusd, qui en ont dit, c'est assavoir : Led. Charmolue, que la forme et addressé desd, lettres et procedure sur icelles luy semble estrange et estre contre ordre de justice d'avoir commisseres de deux jurisdictions pour informer en l'affaire qui s'offre ; et si les informations sur ce faictes par lesd.	DU BUREAU [i5i6] commisseres estoient envoyées au Grant Conseil, ce seroit contre les privileiges et franchises delad. Ville; par quoy luy semble que l'on doit empescher lesd, lettres, et remonstrer aux commisseres qu'ilz ne en doibvent congnoistre, et se mestier est, tendre à fin de non proceder par devant lesd, commisseres el bailler requeste à lad. Court afin de les faire super-ceder, et pour ouyr la Ville en son droit; et faire veoir et visiter led. Hostel Dieu es environs et autres lieux, à fin de savoir le lieu plus convenable pour faire led. eslargissement, qui doibt et est necessere estre fait, mais que ce soit en lieu non prejudiciable à icelle Ville; et qu'il a entendu que oud. Hostel Dieu sont les chambres du Roy et autres édiffices qui de present ne servent de riens, et que y a autres lieux oud. Hostel et es environs, ainsy que l'on dit, esquelz on pourroit bien faire ung bon accroissement pour le logeiz des pauvres dud. Hostel Dieu; et que veu le récit des mandez qui en ont parlé, la Ville a matiere d'empescher que l'accroissement dessusd, soit fait au lieu designé esd. lettres et exploitz ; Led. Bouchart, que, pour les causes dessusd., on doit empescher lesd, lettres, et que la formalité d'icelles peult tourner contre les privilleiges et jurisdiction de lad. Ville; bailler requeste à lad. Court ad ce que lesd, commisseres supercedent, et que la congnoissance en demeure par deçà aux ordinaires; et que sur la commodité ou incommodité, on doit appeller maçons, charpentiers, voitturiers par eaue, maistres des pons, marchans et médecins; aussi qu'on doit faire veoir et visiter par gens en ce congnoissans les lieux les plus convenables qu'on pourra trouver, tant oud. Hostel Dieu que au plus près pour led. eslargissement, et qu'il est bien requiz iceluy eslargissement estre fait; Led. de Montmirel, que, pour les causes declairées et recitées cy dessus, on doit empescher lotis vi-ribus lesd, lettres tendans à fin de non proceder par devant lesd, commisseres, bailler requeste à la Court à fin de les faire superceder de la congnoissance desd, lettres qui semblent estre obtenues contre et au prejudice des privileiges, franchises et jurisdiction de lad. Ville; que led. Hostel Dieu et lieux d'entour iceluy doivent estre veuz et visitez par gens en ce congnoissans pour veoir et congnoistre s'il y a lieux propices pour eslargir le logeiz des pauvres, ce qui est bien necessere d'estre fait, mais que ce ne tourne au prejudice de lad. Ville ne du cours de la Marchandise;